Россиялик ўқитувчилар иштирокида ўзбекистонлик ўқувчилар учун рус тили фанидан теледарслар тасвирга олинмоқда
Юртимизда таълим жараёнларини янада такомиллаштириш мақсадида “Зўр” (“Класс”) лойиҳаси доирасида Россиядан ташриф буюрган ўқитувчилар 2-синф ўқувчилари учун рус тили фани дарсларини тасвирга олишда иштирок этмоқда.
Лойиҳа бўйича айни вақтгача 14 та теледарс тайёрланган бўлиб, улар II чоракдан “Онлайн мактаб”” телелойиҳаси асосида эфирга узатилади.
Шунингдек, россиялик мутахассислар билан ҳамкорликда 2022 йилнинг январь ойида "Узлуксиз касбий таълим" электрон платформаси ташкил қилинади. Унда 4 та фан — математика, кимё, биология ва физика ўқитувчиларига рус тилида малака ошириш курслари ҳам ишлаб чиқилиши кўзда тутилган.
Эслатиб ўтамиз, аввалроқ онлайн мактаб дарслари учун алоҳида телеканаллар ажратилиши ҳамда янги ўқув йили тўлиқ анъанавий шаклда бошланиши ва вақтинча ёпилган мактаблар учун теледарслар ҳам йўлга қўйилиши ҳақида хабар берилганди.
Чўлпоной Аҳмедова
