Уайлдер ва Фюри қисқа муддатли танаффусга чиқди
Ўтган ҳафта охирида Тайсон Фюри билан жангда қўлини синдириб олган бокс бўйича оғир вазн тоифасида собиқ жаҳон чемпиони Деонтей Уайлдер тиббий сабабларга кўра олти ойга дисквалификация қилинди.
Уайлдер ушбу жангнинг 11-раундида нокаутга учради. Жангдан сўнг у касалхонага ётқизилди. Ўз навбатида, Фюри ҳам 45 кунга танаффусга чиқди.
Тайсон Фюри бугунги кунга қадар 32 та жанг ўтказган бўлиб, унинг 31 тасида ғалаба қозонган. Шундан 22 тасида нокаут қайд этган бўлса, битта жанг дуранг натижа билан якунланган. Деонтей Уайлдер профессионал карерасида 45 та жанг ўтказган, шунинг 41 таси нокаут, биттаси дуранг ва иккитаси мағлубият билан якунланган. Икки марта ҳам Фюрига мағлуб бўлган.
Фюри ва Уайлдер ўртасида 2018 йил декабрь ойида бўлиб ўтган биринчи жангда ҳакамлар дуранг қайд этганди. 2020 йил февраль ойида бўлиб ўтган иккинчи жангда эса британиялик боксчи америкаликни нокаутга учратиб, WBC чемпионлик камарини қўлга киритди.
Аввалроқ Фюри бу гал техник нокаут билан қаноатланмагани ва Ҳабиб Нурмагомедов қайси жангини яхши кўриб эслаши ҳақида хабар берилганди.
Жамшидбек Амиров
