Ражаб Адашов ўзбек режиссёрларига таклиф билан чиқди
Ўзбекистон халқ артисти Ражаб Адашов кинорежиссёрларга мурожаат қилди:
"Ассалому алайкум! Мен режиссёрлардан уч кишига маслаҳат бермоқчиман: З.Мусоқовга, С.Назармуҳаммадовга, Р.Маликовга!
Азизларим, ёш ёзувчи Жавлон Жовлиевнинг "ҚЎРҚМА" (НЕ БОЙСЯ) номли романи бор. М.Булгаковнинг "Уста ва Маргарита"сига ўхшаш, корейсларнинг "Игра в кальмары" ("Калмар ўйини") ва бошқа қуроқ-қуроқ, яъни дафъатан англаш, тушуниш муаммо бўлган сериаллар қаторидаги РОМАН!
Шу китобни ўқиб, сценарист топиб, фильм қилсангиз, Ўзбек Киносининг улкан ютуғи бўларди! Сизларга, УЧ режиссёрга ишонганим учун ёздим!!!" — дея таъкидлаган актёр.
Аввалроқ Россия Федерацияси киноси кунлари доирасида машҳур кинорежиссёр, РСФСР халқ артисти, Россия Федерацияси Кинематографлар уюшмаси раиси Никита Михалков оав вакиллари билан учрашганда режиссёрлик даражаси актёрликка қараганда анча пастлигини таъкидлаганди.
