Россия жамоаси 18 миллион долларни қўлга киритди
Кеча Руминия пойтахти Бухарест шаҳрида “The international 10” турнирининг Гранд финал учрашуви бўлиб ўтди.
Мазкур баҳсда Хитойнинг “PSJ.LGD” жамоаси Россиянинг “Team Spirit” жамоасига қарши аренага чиқди. Муросасиз кечган тўқнашувда “Team Spirit” 2:3 ҳисобида ғалаба қозонди.
“Team Spirit” ушбу турнирнинг энг ёш ва дебютант жамоаси бўлишига қарамай, мусобақанинг барча топ жамоаларини турнирдан чиқариб юборди. Хусусан, “OG”, “Virtus.Pro”, “Invictus Gaming”, “Team Secret” ва Гранд финалда “PSG.LGD” билан баҳс олиб борди ва барчаси устидан ғалаба қозонди.
Мазкур турнир чемпионлигидан сўнг “Team Spirit” 18 миллион 208 минг 300 доллар мукофот пулини қўлга киритган бўлса, иккинчи ўрин соҳиби “PSG.LGD” эса 5 миллион 200 минг доллар, учинчи ўринни эгаллаган жамоа “Team Secret” 3 миллион 600 минг долларга эга бўлди.
Турнирда “Team Spirit” аъзоси Иля Мулярчук (Ятора 18 ёш) “Энг ёш ўйинчи” номинацияси ғолиби бўлди. “Энг яхши ўйинчи” мукофотини “Team Spirit”нинг яна бир аъзоси Ярослов Найдёнов (Мипошка) қўлга киритди.
Эслатиб ўтамиз, мазкур турнирнинг мукофот жамғармаси 40 миллион доллар миқдорида белгиланган эди.
Аввалроқ соврин жамғармаси 40 миллион доллар бўлган мусобақа қизғин паллага киргани ва Россия вакциналари билан эмланган спортчилар ҳам қишги олимпиадада иштирок этишга рухсат берилгани ҳақида хабар берилганди.
Жамшидбек Амиров, Умар Умрзоқов
