Фарғонадаги “Саводсизликни тугатиш жамияти” ишчи-деҳқонлар саводини чиқаришга хизмат қилган
Фарғонадаги “Саводсизликни тугатиш жамияти” ишчи-деҳқонлар ўртасида саводсизликни тугатишга қаратилган эди.
Вилоятда саводсизликни бартараф этишга эътибор 1923 йилдан сўнг ошиб борган. Бу ҳақда “ЎзАрхив” агентлиги хабар бермоқда.
Фотода “Саводсизликни тугатиш жамияти”нинг 5 йиллиги муносабати билан Фарғона вилоят ижроия комитетининг партия ташкилотлари билан ҳамкорликда ўтказган йиғилиш баённомаси. Унга кўра, кун тартибидаги асосий масала ишчи-деҳқонлар ўртасидаги саводсизликни тугатиш тўғрисида бўлган.
1923 йилга келиб Фарғона вилоятида 28 та мактаб мавжуд бўлиб, шундан 12 таси қишлоқларда жойлашган. Лекин 1924 йилга келиб, мактаблар сони 110 тага, яъни 33 фоизга ошган. 1924 йилнинг 1 октябрига келиб 4000 киши мактабларни тўлиқ тугаган, ўқиётганлар сони эса 5700 тани ташкил этган.
Шунингдек, ҳужжатда ёзилишича, аҳоли саводсизлигини тугатиш давомида ўқитувчиларнинг ўзлари ҳам сиёсий саводхонлик тўгаракларига қатнаб ўқиган.
Фарғона вилоят давлат архиви сақловидаги «Фарғона область меҳнаткаш депутатлари ижроия комитети»нинг ҳужжатларига кўра, “Саводсизликни тугатиш жамияти” бўлимлари Фарғонада ҳам очилган бўлиб, унда 3000 киши фаолият олиб борган.
Аввалроқ фуқаро ўз сақловида бўлган тарихий газеталар тўпламини Миллий архивга топширгани ҳақида хабар қилинган эди.
