Войцех Шесны: “Ювентус” “Зенит”га қарши бир ёқадан бош чиқариб ўйнаши керак”
“Ювентус” дарвозабони Войцех Щесны “Зенит” билан Чемпионлар лигаси гуруҳ босқичи ўйини олдидан жамоа кайфияти ҳақида гапирди:
“Биз “Зенит”га қарши сўнгги икки учрашувимиздагидек, бир ёқадан бош чиқариб ўйнашимиз керак. Қўлимиздан келганича бирдамлик кўрсатишимиз керак. Сўнгги пайтларда руҳиятимиз ўзгарди. Биз ҳимояга кўпроқ эътибор қаратамиз. Ёндашувимиз ўзгарди. Ана шундай йўл билан яхши натижаларга эришдик. Менимча, бурилиш нуқтаси бўлмади. Биз энди астойдил ҳаракат қила бошладик ва ўйинлардаги фарқни кўрсата олдик. Атрофимда содир бўлаётган ҳамма нарсага қарамай, мен иложи борича диққатимни жамлайман. Умид қиламанки, аввалги формамга қайтаман. Алегри билан машғулот ўтказиш қулай. Бу мен учун шараф. Унинг қандай ишлашини биламан. Мен ҳеч қачон “Ювентус” дан кетишни хоҳламайман”.
Эслатиб ўтамиз, УЕФА Чемпионлар лигасининг 2021/2022 йилги мавсуми “Зенит” – “Ювентус” гуруҳ босқичи учрашуви 20 октябрь куни Санкт -Петербургдаги “Газпром Арена" стадионида бўлиб ўтади.
Аввалроқ Пауло Дибала “Зенит”га қарши ўйинни ўтказиб юбориши ва “Виляреал” Серж Оре билан шартнома имзоламоқчи эканлиги ҳақида хабар берилганди.
Жамшидбек Амиров
