Дибала Туринда яна 5 йилга қоладиган бўлди
“Ювентус” ва Аргентина терма жамоаси ҳужумчиси Пауло Дибала туринликлар билан шартномасини узайтирганини маълум қилди.
Хабарларга кўра, аргентиналик футболчи “Ювентус” билан 2026 йилнинг ёзига қадар мўлжалланган битим борасида келишиб олган. Дибаланинг агенти музокараларнинг сўнгги босқичини ҳал қилиш учун Турин шаҳрига етиб борган.
Янги шартномага кўра, Пауло йилига 8,5 млн. евро маош олади. Шунингдек, футболчига 1,5 млн. евро миқдорида бонуслар ҳам белгиланган.
Эслатиб ўтамиз, ҳужумчи бу мавсумда Турин жамоаси сафида 5 та ўйинда 2 та гол уришга муваффақ бўлди.
Маълумот ўрнида: Пауло Дибала 2015 йилдан буён “Ювентус” клубида тўп суриб келади.
Аввалроқ Пауло Дибала “Зенит”га қарши ўйинни ўтказиб юбориши ва “Фиорентина” ҳужумчисига бир нечта топ клуб қизиқиш билдираётгани ҳақида хабар берилганди.
Жамшидбек Амиров
