Супер-контрактда ўқийдиганлардан тўлов қабул қилиш бошланди
Давлат қабул комиссияси томонидан Супер-контракт асосида ўқиш истагини билдирган абитуриентларга тўловларни амалга оширишга рухсат берилди. Бу ҳақда Олий ва ўрта махсус таълим вазирлиги хабар берди.
Энди “супер-контракт” тизимда ўқишга кирган талабалар “t-kontrakt.edu.uz” платформаси орқали тўлов контракт-шартномасини расмийлаштиришлари мумкин. Бу онлайн шаклда ёки ОТМга бевосита мурожаат қилган ҳолда амалга оширилади.
Тартибга кўра, тўловларни амалга ошириш муддати 2021 йил 20 ноябрга қадар этиб белгиланган.
Эслатма: талаба контрактнинг 50 фоиз миқдоридаги суммасини тўлагандан сўнг ОТМ раҳбарининг абитуриентни талабаликка тавсия этиш тўғрисидаги буйруғи расмийлаштирилади.
Бундан аввал супер-контрактнинг минимал миқдорлари белгилангани ҳамда эмланган талабаларга ваъда қилинган чегирмалар тўлаб берила бошлангани ҳақида хабар берилганди.
Оламгир Абдиев
