Эмланган талабаларга ваъда қилинган чегирма тўлаб берилмоқда
Махсус комиссия қарорига кўра коронавирусга қарши эмланган барча талабаларга 10 фоиз чегирма берилмоқда.
Ушбу Республика махсус комиссиясининг қарори барча тоифадаги талабаларни қамраб олган ва республикамиздаги олийгоҳларда таҳсил олаётган ҳамда 2021-йил 1-ноябрга қадар коронавирус инфекциясига қарши вакцина олган талабаларга 2021/2022-ўқув йили учун белгиланган стипендия қўшилмаган базавий тўлов-контракт суммасига бир марталик 10 фоиз чегирма (бонус) белгиланган.
Ҳозирда юртимизда фаолият кўрсатаётган давлат ва нодавлат олий таълим муассасаларида таҳсил олаётган ва коронавирусга қарши вакцина олган талабаларга бир марталик 10 фоизли чегирма бонуси берилмоқда.
