Менда ҳали катта совринларни ютиш учун куч ҳам, имконият ҳам етарли — Криштиану Роналду
“Манчестер Юнайтед” ҳужумчиси Криштиану Роналду клубга янги совринлар ютиш учун қайтганини айтди:
“Мен бу ерга дам олиш ё нафас ростлаш учун эмас, ғалаба қозониш, янги совринлар ютиш учун келганман. Буни клуб раҳбариятига ҳам очиқ-ойдин айтганман.
Чунки ушбу жамоада катта имкониятларни кўряпман. Жамоада келажаги порлоқ ёш футболчилар бор. Мен уларга ёрдам бериш учун келдим.
Шу пайтгача қанча соврин ютганим муҳим эмас. Менда ҳали катта совринларни ютиш учун куч ҳам, имконият ҳам етарли. “Манчестер”да фаолиятимдаги янги саҳифаларни очмоқчиман”.
Эслатиб ўтамиз, Криштиану Роналду Англия премьер-лигасида 5 та ўйинда майдонга тушиб, рақиб дарвозасига 3 та тўп киритишга муваффақ бўлди.
Аввалроқ Бенземани Мадридда олиб қолишмоқчилиги ва Серхио Рамоснинг “ПСЖ”даги дебюти қолдирилгани ҳақида хабар берилганди.
Жамшидбек Амиров
