Нью-Йорк штати Льюисборо шаҳар суди 78 ёшли магнатнинг 1982 йилда ғойиб бўлган рафиқаси Кэти Дурст (Kathie Durst) бўйича иш очди. Ҳуқуқни муҳофаза қилиш органларининг расмий маълумотларига кўра, жиноят Роберт Дурст томонидан содир этилган.

 

Шунингдек, бошланган суд иши бўйича  жараён бир неча ҳафта давом этиши кутилмоқда. Судда марҳуманинг қариндошлари ва дўстлари ҳам кўрсатма беради.

 

Маълумот учун: Лос-Aнжелес суди Дурстни  октябрь ойи бошларида 21 йил муқаддам содир этган қотилликда айблаб, умрбод қамоқ жазосига ҳукм қилганди.   У 2001 йилда яқин таниши Берманни ўлдирганликда айбланиб жазоланган эди.  Сьюзан тадбиркорнинг хотини ғойиб бўлиши иши бўйича полицияга гувоҳлик беришидан сал олдин ўз уйида бошида ўқ жароҳати изи билан ўлик ҳолда топилган.

 

100 миллион долларлик бойликка эга бўлган тадбиркор узоқ йиллар давомида аёлига нима бўлганини ва Берманни ким ўлдирганини билмаслигини даъво қилиб келади.

 

 “HBO” телеканалининг “Миллиардернинг сирлари. Роберт Дурстнинг ҳаёти ва ўлими” (The Jinx) ҳужжатли сериалини суратга олиш пайтида айтган сўзлари миллионернинг айбдорлигини исботловчи далиллардан бирига айланган.

 

 Ўша пайтда тадбиркор ҳожатхонада ўзига ўзи шундай деган:

 

“Ана, қўлга тушдинг. Нима қилиб қўйдим, жин ургир? Aлбатта, ҳаммасини ўлдирганман”. У бу гапларни айтаётганида эфир  мини микрафони  ёнида  бўлган ва барча  сўзлар  ёзиб олинган.

 

Эслатиб ўтамиз, бундан аввал 11 минг маҳбуснинг ўлимида айбланаётган 96 ёшли аёл ҳибсга олингани ҳамда АҚШда 5 нафар журналистнинг қотилига 345 йил қамоқ жазоси тайинлангани ҳақида хабар берилганди.

 

 

Чўлпоной Аҳмедова