Анчелотти: “Эл-Классико” Месси, Криштиану ва Рамоссиз ҳам қизиқ ўтади”
“Реал Мадрид” клуби бош мураббийи Карло Анчелотти “Барселона” билан “Реал Мадрид”нинг 10-тур учрашуви ҳақида ўз фикрини билдирди:
“Иккала жамоа ҳам қайта қуриш жараёнини бошдан кечирмоқда. Аммо бизни ҳар қандай ҳолатда ҳам ажойиб ўйин кутяпти. Жисмоний тайёргарлигимиз ёмон эмас. Биз Ансу Фати ҳамда Винициус каби футболчилар қандай чўққиларни забт этишини ҳали билмаймиз. Бироқ бугунги учрашув катта тажриба мактабини ўташи турган гап. Мени ҳали ҳам Криштиану ва Месси жамоада бўлган пайтлардаги туйғулар тарк этгани йўқ. Бугун ўзига хос ўйинга гувоҳ бўламиз. “Барселона”нинг ёш авлоди ўйнайдиган баҳс нафақат мени, балки барча футбол мухлисларини қизиқтираётгани сир эмас. “Эл-класико” Месси, Криштиану ва Рамоссиз ҳам қизиқ ўтади”.
Эслатиб ўтамиз, “Барселона” ва “Реал Мадрид” ўртасидаги 10-тур учрашуви бугун, “Барселона”да “Камп Ноу” стадионида бўлиб ўтади. “Реал Мадрид” ҳозирда Испания чемпионатида 3-ўринда, “Барселона" эса 7 -ўринда бормоқда.
Маълумот ўрнида: ўйин Тошкент вақти 19:30да бошланади.
Аввалроқ Абрамович Азарни Лондонга қайтармоқчи эканлиги ва Дибала Туринда яна 5 йилга қолиши ҳақида хабар берилганди.
Жамшидбек Амиров
