Маркиньос: Неймар - сеҳргар, Месси - йиртқич, Мбаппе – метеор
“ПСЖ” ҳимоячиси Маркиньос ҳужумчилар Лионел Месси, Неймар ва Килиан Мбаппе ҳақида ўз фикрини билдирди:
“Неймар - сеҳргар, импровизация ва ижодкорлик бўйича унга тенг келадиган ўйинчи кам. Месси - йиртқич ҳайвон, унинг самарадорлиги жуда ҳам юқори. Килиан - метеор, у бошқалардан ўзгача ўйин услуби билан фарқ қилади ва буни исботлашда давом этмоқда. Бу учлик ажойиб ўйин кўрсатишига ишонаман”.
Эслатиб ўтамиз, Франция чемпионати 10-туридан сўнг “ПСЖ” 27 очко билан турнир жадвалида биринчи ўринда бормоқда: энг яқин таъқибчиси “Ленс"ни тўққиз очкога ортда қолдиряпти. Парижликлар миллий чемпионатдаги навбатдаги учрашувини бугун сафарда “Марсел” билан ўтказади.
Аввалроқ Жон Терри “Нюкасл”дан четлатилган мураббийни афсонага ўхшатганини ва Месси бразилиялик ҳакамни хаёлпарастликда айблагани ҳақида хабар берилганди.
Жамшидбек Амиров
