Косон туманида аҳоли яшайдиган ҳудудда чорва молларининг очиқ қабристони бор...(ми)?
Афсуски, чиқинди билан тўлган, кундан кунга катталашиб, чорва моллари, ит, эшакнинг ичак-чавоқлари ташланган очиқ қабристонга айланиб улгурган жойдан бадбўй ҳид атроф-муҳитга зарар келтириши тўхтамади.
Маълум бўлишича, Қашқадарё вилояти, Косон туманида истиқомат қилувчи фуқаролар ўз яшаш ҳудудига унча узоқ бўлмаган жойда ахлатхона борлиги ва унинг катта йўл ёқасигача чиқиб, ҳаракатланишга ҳалал берилаётгани тўғрисида мурожаатлар йўлланган. Бу ҳақда "Muxbir Daliyev" "Telegram" каналига мурожаат келиб тушган.
Мурожаатда фуқаро:
"Қашқадарё вилояти Косон туманидан чиқяпмиз, бизнинг яшаш жойимиздан унча узоқ бўлмаган катта йўл ёқасида катта очиқ чиқиндихона бор, жуда кўп мусор, ахлат, қурилиш ва медицина чиқиндилари билан катта йўл ёқасигача тўлиб кетган” - дейилади.
Мурожаатчилар Косон туманида фаолият юритаётган экология бўйича ишчи ходимларга муаммони айтишганида, улар бу мурожаатни вилоят экологлари ҳал қилишини айтган.
Натижада, бир нечта фуқаролар 2021 йил январь-феврал ойларида экология қўмитасининг вилоят бўлимига ариза топширишган. Аммо, мурожаатчиларга озроқ сабр қилиш ва ёрдам беришини айтиб, кетказиб юборилган.
Афсуски, чиқинди билан тўлган, кундан кунга катталашиб, чорва моллари, ит, эшакнинг ичак-чавоқлари ташланган очиқ қабристонга айланиб улгурган жойдан бадбўй ҳид атроф-муҳитга зарар келтириши тўхтамади.
Мурожаатчилар вилоят бўлимига қайта сўров юборишганда Республикадан Икром Тоғаев деган шахсга телефон қилишини айтиб, рақам беришган.
Бироқ аризачилар:
“Биз Икром акани қандай топишни билмадик. 2 йилдан буён шу мусорхона сассиғидан зиён кўряпмиз”, - дейишган.
Айни шу мурожаат бўйича, Қашқадарё вилоят Экология қўмитаси ва Давлат Экология қўмитасидан расмий муносабат кутиб қоламиз.
Эслатиб ўтамиз, аввалроқ белгиланмаган жойга чиқинди ташлаган фуқаро жаримага тортилгани ва Қозоғистон аҳолиси Ўзбекистонда ёндирилаётган ахлаттепалар тутунидан азоб чекаётгани ҳақида хабар берилганди.
Чўлпоной Аҳмедова
