Яна бир боксчимиз жаҳон чемпионатини тарк этди
Бугун Сербия давлатининг Белград шаҳрида давом этаётган бокс бўйича жаҳон чемпионатининг навбатдаги беллашувларига старт берилди.
Ҳозиргина -57 кг. вазн тоифасида собиқ жаҳон чемпиони, ҳамюртимиз Миразизбек Мирзаҳалилов америкалик Жамал Херлига қарши жангда мағлуб бўлиб, иштирокини якунлади.
Эслатиб ўтамиз, бугунги беллашувларда энг оғир вазнли боксчимиз Лазизбек Муллажонов эронлик Пуриа Амири билан баҳс олиб борса, мусобақада дастлабки жангида ирландиялик Брендан Маккивини мағлуб этган Асадхўжа Мўйдинхўжаев фаластин вакили Ахмед Харарага қарши рингга чиқади.
Эслатиб ўтамиз, мазкур жаҳон чемпионати 6 ноябрга қадар давом этади.
Аввалроқ бугун жаҳон чемпионатида кимлар рингга чиқиши ва ушбу чемпионатда юртимиз шарафини кимлар ҳимоя қилиши маълум бўлгани ҳақида хабар берилганди.
Жамшидбек Амиров
