“Шериф” мураббийи: “Жасур Яхшибоев бугунги учрашувни интиқлик билан кутяпти”
Бугун ҳамюртимиз Жасур Яхшибоев тўп сураётган Молдованинг “Шериф” жамоаси Чемпионлар лигаси доирасида "Интер" клубига қарши майдонга тушади.
Миланликларга қарши учрашув олдидан ташкил қилинган матбуот анжуманида “Шериф” бош мураббийи Юри Вернидуб жамоа эришаётган муваффақиятларга катта ҳисса қўшиб келаётган Жасур Яхшибоевнинг тайёргарлик даражаси ҳақида ҳам фикр билдирди:
“Жасур Яхшибоев бугунги учрашувни интиқлик билан кутяпти, у биринчи дақиқаларданоқ жанговар кайфияти ва бор кучини намойиш қилмоқчи”.
Эслатиб ўтамиз, Жасур Яхшибоев Чемпионлар лигаси иккинчи турида “Реал Мадрид” дарвозасига тўп киритиб, жамоаси ғалабасини таъминлаган эди. Ҳозирда “Шериф” клуби “Д” гуруҳида 6 очко билан пешқадамлик қилмоқда.
Аввалроқ Элдор Шомуродовнинг нархи кескин кўтарилгани ҳақида хабар берилганди.
Жамшидбек Амиров
