"Севги учбурчаги" сабаб Андижонда қотиллик юз берди
Балиқчи туманида эркак 18 ёшли йигитни ўлдириб, каналга ташлаб кетгани айтилмоқда.
Андижон вилоятининг Балиқчи туманида истиқомат 2003- ва 1996 йилда туғилган ёшлар ўртасида жанжал келиб чиққан.
Жанжалга сабаб эса ўзбек ёшларининг ичида классикага айланган муҳаббат учбурчаги дейилмоқда.
Унаштирилган қизи 2003 йилда туғилган йигит билан олдин ҳам, унаштирувдан кейин ҳам учрашиб юрганини билган 1996 йилда туғилган йигит, ўша болани уриб, каналга ташлаб юборган.
Бу хабарни Бош прокурорнинг матбуот котиби — ахборот сиёсати масалалари бўйича маслаҳатчиси Ҳаёт Шамсутдинов ҳам муносабат билдирди.
Унинг қайд этишича, жорий йилнинг 5 ноябрь куни фуқаро Л.З. яшаш хонадонидан номаълум томонга чиқиб кетиб, бедарак йўқолган. Мазкур ҳолатда Л.З. қотиллик қурбони бўлиши мумкинлигини инобатга олиб, ушбу ҳолатни келгусида тергов йўли билан текшириб, аниқлик киритиш мақсадида жорий йилнинг 7 ноябрь куни Жиноят кодекснинг 97-моддаси билан жиноят иши қўзғатилган. Ҳозирда туман прокуратураси томонидан дастлабки тергов ҳаракатларини ўтказиш билан бир қаторда, бедарак йўқолган Л.З.ни топиш юзасидан барча тезкор-қидирув тадбирлари амалга оширилмоқда. Тергов натижаси юзасидан қўшимча хабар қилинади, — дейилади хабарда.
Аввалроқ Қамашида 17 ёшли қиз фўшни йигитни 29 маротаба пичоқлагани ҳамда Қибрайда бир уйдан 5 кишининг жасади топилгани ҳақида хабар берилганди.
Баҳринисо Мадумарова
