Бу бемаъниликни тўхтатиш керак – Жером Ротен
“ПСЖ” клубининг собиқ футболчиси Жером Ротен парижликлар ҳужумчиси Лионел Мессининг Аргентина терма жамоасига кетганини танқид қилди.
34 ёшли ҳужумчи жароҳати сабаб "ПСЖ"нинг сўнгги икки ўйинини ўтказиб юборганига қарамай, терма жамоа йиғинига йўл олди:
“Бу шок, мен буни тушунмаяпман. Бу бемаъниликни тўхтатиш керак. Жароҳатингиз бор, охирги ўйинларда майдонга тушмадингиз, “Бордо” билан ўйинни ўтказиб юбордингиз. Сиз жароҳатингизни текшириш учун кетдингиз, шубҳасиз, лекин энди бор эътиборингизни “ПСЖ”га мослашишга қаратинг. Бу ерда бор имкониятингизни ишга солинг. Месси терма жамоада ўйин ўтказиб, “ПСЖ”га қайтади. Ёки у жароҳат билан ҳам олиши мумкин. Месси ўз формасини тўлиқ тиклаб олгунга қадар терма йиғинида иштирок этмай тургани мақъул эди”.
Эслатиб ўтамиз, “ПСЖ” клуби жорий мавсум Франция чемпионатининг турнир жадвалида 34 очко билан биринчи ўринни эгаллаб турибди.
Аввалроқ парижликлар Бенземани қўлга киритмоқчилиги ва Месси Чемпионлар лигаси ўйинини ўтказиб юбориши ҳақида хабар берилганди.
Жамшидбек Амиров
