Йилга якун ясаб берувчи катта турнир UFC 269'да Чимаев Эдвардга қарши жанг қилиши мумкин
Хорхе Масвидаль жароҳат сабаб Леон Эдвардсга қарши 11 декабрга белгиланган жанг бекор қилинди.
UFC матчмейкерлари Эдвардсга қарши бошқа рақиб тайинланадими йўқми бу ҳақда маълумот бермади. Лекин "bokamotoespn" хабар беришича, Хамзат Чимаев захирадан майдонга тушишга тайёр! У яқинда ўтган жангида тезкор ғалаба қайд этди. Формада, қисқа чақирувларга кўниккан, атрофидаги хайп асосий кардга муносиб. Яхши вариант. Бунга энди Эдвардсни кўндириш керак.
Эслатиб ўтамиз, жорий йилнинг 20 январь куни Чимаев ва Эдвардс ўртасида жанг ўтказилишии керак эди. Аммо жанг қолдирилган.
Чимаев ҳисобида 10 та ғалаба бор, бирорта ҳам мағлубият йўқ. Эдвардс ҳисобига 19 ғалаба ва учта мағлубият. Яна бир жанг ҳақиқий эмас деб топилган.
Аввалроқ UFC 267 турнирининг асосий жангларида қандай натижаларни қўлга киритгани ҳамда Ҳабиб Нурмагомедов Россиялик спортчилардан норози эканлиги ҳақида хабар берилганди.
Муножат Валиева
