Александр Бастрикин Усмон Нурмагомедовнинг ишини ўз назоратига олди
Россия Тергов қўмитаси раиси Александр Бастрикин ўз қўл остидагиларига Доғистонда полициячини босиб олиш бўйича терговнинг оралиқ натижалари ҳақида ҳисобот беришни топширди.
Аввалроқ, собиқ UFC чемпиони Ҳабиб Нурмагомедовнинг амакиваччаси Беллатор жангчиси Усмон Нурмагомедов ва унинг дўсти Камол Идрисов жиноят содир этишда гумон қилинаётгани хабар қилинганди.
Малум бўлишича, иккала гумонланувчи ҳам тунни IBСда ўтказган, шундан сўнг улар Доғистонга жўнатилган. У ерда уларга профилактика чораси қўлланилиши керак.
Эслатиб ўтамиз, Усмон Нурмагомедов ва Камол Идрисовга нисбатан Россия Федерацияси Жиноят кодексининг 318-моддаси 1-қисми (Давлат ходимига ўз хизмат вазифаларини бажариши пайтида ҳаёт ёки соғлиқ учун хавфли бўлмаган зўравонлик қўллаш) бўйича жиноят иши қўзғатилган.
Аввлроқ 7 та нокаут қайд этилган UFC-268 турнири якунига етгани ҳақида хабар берилганди.
Жамшидбек Амиров
