Ферран Торрес: “Криштиану Роналду – менинг футбол тарихим”
“Манчестер Сити” футболчиси Ферран Торрес “Манчестер Юнайтед” ҳужумчиси Криштиану Роналдуни ўзининг футбол тарихидаги рамзи деб атади:
"Роналду - менинг футбол тарихим. У футболни овқатланиш, ўзига ғамхўрлик қилиш, танасига сармоя киритиш нуқтаи назаридан ўзгартирди. Бу узоқ муддатли жараён бўлиб, бугун қилаётган иш эртага ижобий натижа беради. Футбол яхши жисмоний ҳолатни талаб қилади ва бунга тайёр бўлиш лозим. Сиз футбол ўйнашингиз керак ва ортингизда сизни қадрлайдиган жамоа бўлиши шарт. Менинг шахсий мураббийим, ва шахсий физиотерапевтим бор. Улар клуб билан алоқада бўлиб, менинг аҳволим ҳақида доимий маълумот олишади ва менга ёрдам беришади”.
Эслатиб ўтамиз, айни дамда “Манчестер Юнайтед” Англия премьер-лигасининг турнир жадвалида 17 очко билан, 6-ўринда бораётган бўлса, “Манчестер Сити” клуби 23 очко билан иккинчи ўринни банд этган.
Аввалроқ Роналду Манчестердан кетмоқчилиги ва “Барселона” клубида норозичилик бошлангани ҳақида хабар берилганди.
Жамшидбек Амиров
