Криштиану Роналду - Португалия Қатарга боради
Португалия терма жамоаси ҳужумчиси Криштиану Роналду ЖЧ-2022 саралашида Сербия термасига учралган мағлубият ҳақида фикр билдирди:
“Футбол бизга қайта-қайта кўрсатдики, баъзида кутилмаган воқеалар керакли мақсадларга олиб келади. Сербия билан ўйин натижаси ачинарли, аммо бизни ўз йўлимиздан қайтариш учун етарли эмас. 2022 йилги жаҳон чемпионатига чиқиш мақсади ҳали ҳам ўз кучида ва биз у ерга бориш учун нима қилиш кераклигини яхши биламиз. Ҳеч қандай сабаб эшитилмайди. Португалия Қатарга боради”.
Маълумот ўрнида: Португалия саралаш босқичида 17 очко тўплади ва А гуруҳида иккинчи ўринни эгаллади. Сербиядан учралган мағлубиятдан сўнг Португалия плей-офф босқичида иштирок этадиган бўлди.
Аввалроқ Роналду бешинчи фарзандини кутаётгани ва Серхио Агуэро футбол билан хайрлашиши мумкинлиги ҳақида хабар берилганди.
Жамшидбек Амиров
