Коррупция соҳасини рақамлаштириш бўйича ЕХҲТ билан ҳамкорлик йўлга қўйилади
Коррупцияга қарши курашиш агентлиги Европада Хавфсизлик ва Ҳамкорлик Ташкилоти рахбарияти билан учрашди ва англашув Меморандумини имзолади.
Ушбу меморандум орқали энди ЕХҲТнинг Иқтисодий ва экологик фаолияти бўйича мувофиқлаштирувчи идораси ва Ўзбекистон Республикаси Коррупцияга қарши курашиш агентлиги ҳамкорликда иш юритади.
Натижада Коррупцияга қарши курашиш ва давлат бошқаруви органлари фаолиятининг шаффофлигини ошириш борасида қўшма тадбирларни амалга ошира олади.
Бу ҳақда агентлик матбуот хизмати хабар қилди.
Меморандум ЕХҲТнинг иқтисодий ва экологик фаолият буйича координатори Игли Хасани ва Ўзбекистон Республикаси Коррупцияга қарши курашиш агентлиги директори Акмал Бурханов томонидан имзоланди.
Шартнома доирасидаги тадбирларнинг аксарияти "Рақамлаштириш ва очиқ маълумотлардан фойдаланиш орқали ЕХҲТ минтақасида самарали бошқарув ва ижобий бизнес муҳитини рағбатлантириш" лойиҳаси доирасида амалга оширилади. Шунингдек, Элчи Хасани очиқ маълумотлар ва самарали бошқарувни назорати бўйича саъй-ҳаракатлар орқали ЕХҲТ барқарор институционал салоҳиятни шакллантиришни мақсад қилган.
Минтақадаги бизнес ва сармоявий муҳитни яхшилаш учун мавжуд тажриба тармоқларини мустаҳкамлашга ва янги тажриба тармоқларини яратишга ёрдам беришини ҳам таъкидлаган.
Эслатиб ўтамиз, аввалроқ энг кўп қонунларни бузган вилоятлар рейтинги эълон қилингани ҳамда коррупцияга қарши курашиши ишларининг рейтинги жорий этилгани ҳақида ҳабар берилагнди.
Чўлпоной Аҳмедова
