Тошкентда мушуклар қотили қўлга олинди
У 40 дақиқа ичида у бешта мушукни қийнаб, уларнинг бирини ўлдирган.
Ижтимоий тармоқларда номаълум шахс Тошкентнинг Яшнобод туманида мушукларни қийнагани ва ўлдиргани тасвирланган видеолар кенг муҳокамаларга сабаб бўлди. Унда айтилишича, 16-20 ёш атрофидаги йигит мушукларни пакет ёрдамида алдаб ушлаган ва уларни "подъезд"га олиб кириб, қийнаган.
Тошкент ИИББ ахборот хизмати хабарига кўра, видеодаги йигит — 20 ёшли И.А. экани маълум бўлган. У Яшнобод тумани ИИО ФМБ 1-сон ички ишлар бўлимига етказилган, суҳбат давомида у қилмишига иқрор бўлган.
Ушбу ҳолат 16 ноябрь куни тахминан соат 15:00 да Яшнобод туманида кузатув камералари орқали қайд этилган.
Ҳозирда мазкур факт бўйича тергов олди текшируви ўтказилмоқда ва унга нисбатан қонуний чора кўрилади.
Эслатиб ўтамиз, аввалроқ мушукни калтаклаган боланинг онаси жарима тўлаши мумкинлиги, Жиззахда ит овлов бригадаси 7 та уйсиз итни отиб ташлагани ҳамда Ўзбекистонда қанча ҳайвон паспорт олгани ҳақида хабар берилгaнди.
