Ван дер Варт: “Mен Мессидан хафаман”
Голландия терма жамоасининг собиқ ҳужумчиси Рафаэл ван дер Варт “ПСЖ” ҳужумчиси Лионел Мессини танқид қилди.
“Мен Лионел Мессидан хафаман. Бу ирода масаласи. Мессига талаб катта. Агар у гол урмаса ёки голли узатма бермаса, ёмон ўйин ўтказган бўлади.
Масалан, Криштиану Роналду гарчи имкониятни бой бериб турган вақтда ҳам жанг қилади ва ҳар доим ўз жамоасини кейинги босқичга олиб чиқишни хоҳлайди. Месси гоҳида майдонда айланиб юради, мен унга “Уялмаяпсизми?” деб айтгим келади”.
Эслатиб ўтамиз, кеча Лионел Месси тўп сураётган Франциянинг “ПСЖ” клуби Европа чемпионлар лигаси доирасида сафарда “Манчестер Сити” жамоасига 2:1 ҳисобида имкониятни бой берди.
Аввалроқ Месси ва Роналду кучли учликка киролмагани ва Месси бразилиялик ҳакамни хаёлпарастликда айблагани ҳақида хабар берилганди.
Жамшидбек Амиров
