“Челси” Тиаго Силвани жамоада олиб қолмоқчи
Лондоннинг “Челси” клуби бразилиялик ҳимоячи Тиаго Силва билан янги шартнома имзолашни режалаштирмоқда.
Хабарларга кўра, лондонликлар ҳимоячи билан яна бир йилга шартнома имзоламоқчи. Ҳозирда жамоа футболчи шартномасидаги молиявий муаммоларни ҳал этмоқда. Силва 2020 йилнинг 28 август куни эркин агент сифатида “ПСЖ” клубидан “Челси” сафига қўшилган эди.
Лондон клуби сафида бразилиялик футболчи ўтган мавсум 48 та ўйин ўтказиб, 3 та гол урди ва битта голли узатмани амалга оширди. Бундан ташқари UEFА Суперкубогини қўлга киритди ва Чемпионлар лигасида ғолиб чиқди.
Жорий мавсумда эса футболчи 14 та ўйинда майдонга тушиб, битта гол ва голли узатмани амалга оширди. Футболчининг клуб билан шартномаси 2022 йилнинг ёзида якунига этади. Ҳозирда Трансфермаркт портали 37 ёшли бразилиялик футболчини 3 миллион еврога баҳоламоқда.
Аввалроқ Абрамович Азарни Лондонга қайтармоқчилиги ва Анчелотти Давид Луизни “Реал”га таклиф қилмоқчиллиги ҳақида хабар берилганди.
Жамшидбек Амиров
