"Бунёдкор"чиларнинг 1 ярим миллиарддан зиёд маошини "ер ютиб юборди"ми?
Ҳозирда клубда молиявий муаммолар юзага келмоқда.
Тошкент шаҳар Давлат меҳнат инспекцияси томонидан ўрганиш ишлари олиб борилганида, айни вақтда клуб томонидан жами 393 нафар ходимларга нисбатан октябрь ойи учун 1 миллиард 532 миллион 216 минг сўм миқдордаги ойлик маошлари тўлаб берилиши кечиктирилган. Шунингдек, ҳозирда клуб ҳомийси “Ўзбекнефтгаз” АЖ томонидан маблағлар ажратилаётгани ва ходимларга ушбу тўловларни тўлаб бериш ҳаракатлари амалга оширалаётганини маълум қилди.
Бундан ташқари, “Бунёдкор” футбол клуби бош директори У.А.Мирзаев номига ходимларга ойлик иш ҳақи бўйича юзага келган қарздорликни бартараф қилиш ҳамда кейинчалик ойлик иш ҳақларини ўз муддатида тўлаш бўйича Давлат меҳнат иснпекцияси томонидан ёзма кўрсатма киритилди.
Аввалроқ Элдор Шомуродов пандемия даврида “Бунёдкор” ёшлар жамоасини 15 ой давомида моддий таъминлаб тургани ва Ўзбекистон мезбонлик қиладиган Осиё Кубогига қуръа ташлангани ҳақида хабар берилганди.
Жамшидбек Амиров
