Дзюдочиларимиз халқаро турнирни иккита медаль билан якунлашди
25-27 ноябрь кунлари БААнинг Абу-Даби шаҳрида дзюдо бўйича “Kатта дубулға” турнири бўлиб ўтди.
Мусобақада Илиас Илиадс бошчилигидаги Ўзбекистон терма жамоаси 1 та кумуш ва 1 та бронза медали билан умумжамоа ҳисобида 13-ўринни эгаллади. Россия терма жамоаси 2 та олтин, 4 та кумуш, 2 та бронза медали билан биринчи ўринни қўлга киритди. Кучли учликка Буюк Британия ва Мўғулистон терма жамоалари якун ясаб берди.
Эслатиб ўтамиз, турнирда Ҳикматуллоҳ Тўраев (-73 кг) терма жамоамизга мусобақанинг кумуш, Токио Олимпиадасининг бронза медали совриндори Давлат Бобонов (-90 кг) бронза медалини тақдим этди.
Маълумот ўрнида: 2019 йилги Абу-Даби “Катта Дубулға” турнирида Ҳикматуллоҳ Тўраев ва Диёрбек Ўрoзбоев бронза медалларини қўлга киритишган эди.
Аввалроқ Давлат Бобонов президент совға қилган уйни бориб кўргани ва Диёрбек Ўрозбоевда допинг аниқлангани ҳақида хабар берилганди.
Жамшидбек Амиров
