Патрис Эвра “ёрилди”

 

“Манчестер Юнайтед”нинг собиқ ҳужумчиси Роберт Левандовски учун афсусдалигини очиқча намойиш этди. Унинг фикрича “Олтин тўп” топшириш маросимидаги бу қарор кўпчилик футбол мухлисларининг эътирозларига сабаб бўлган. Негаки, улар Мессини бу гал ушбу мукофотга лойиқ эмас деб ҳисоблашмоқда.

 

“Менга “Олтин тўп” учун кимга овоз берасиз деб сўрашганида, шубҳасиз, Роберт Левандовскига берардим. Бу билан Мессини ёмонламоқчи эмасман. Шунчаки, адолат ғалаба қозонишини истайман. “Манчестер Юнайтед” уч бор Чемпионлар лигаси финалида “Барселона”га имкниятни бой берди. Бу билан каталонияликларга бўлган нафратимни намойиш қилмоқчи эмасман. Аммо, “Барселона” чемпионликни қўлга киритган вақтда нега Хави ёки Иньеста “Олтин тўп” соҳибига айланишмади. Улар ҳам жамоасининг ғалабаларига муносиб ҳисса қўшишганди. Мухлислар Криштиану Роналду сизнинг дўстингиз бўлгани сабабли Мессидан нафратланасиз деб кўп айтишади. Аммо, мен бу ҳақда гаплашишни хоҳламайман. “Олтин тўп” тошириш маросимига қайтадиган бўлсак, Месси мукофотни олиб Левандовскига қарата “Бу совринни сен ўтган йили ютишинг керак эди – деди. Менимча полшалик футболчи бу йил ҳам “Олтин тўп”га лойиқ эди. Одамлар кўзингизни очинг. Футболда коррупцияга йўл қўймайлик”.

 

Эслатиб ўтамиз, ушбу мукофот 29 ноябрь куни еттинчи марта аргентиналик ҳужумчи Лионел Мессига топширилди. Овоз бериш натижасида  “Бавария” ҳужумчиси Роберт Левандовски иккинчи, “Челси” ярим ҳимоячиси Жоржинё учинчи ўринни эгаллади.

 

Аввалроқ Роберт Лeвандовски янги рекорд ўрнатгани ва полшалик футболчи Мессини “Олтин тўп” соврини билан табриклагани ҳақида хабар берилганди.

 

Жамшидбек Амиров