"Реал" таслим бўладиган жамоалардан эмас - Карло Анчелотти
"Атлетик"га қарши ўйиндан сўнг "Реал Мадрид" бош мураббийи ўз футболчиларини мақтади.
“Рақиб жуда яхши ўйнади. Улар 90 дақиқа давомида шиддатлиликни сақлаб қолишди. Якунда бизга осон бўлмади. Чидамлилик устида ишлашимиз керак, футболчилар ҳал қилувчи паллада жуда чарчаб қолишди. Аммо иккинчи томондан, улар ўзларининг жанговар фазилатларини кўрсатишди. «Реал Мадрид» муаммога дуч келганда таслим бўладиган жамоалардан эмас”, - деди Анчелотти ўйиндан кейинги матбуот анжуманида.
Аввалроқ “Реал Мадрид”нинг 1 январгача Мбаппени қўлга киритмоқчи эканлиги, шунингдек, Тибо Куртуанинг мазкур жамоа билан 5 йиллик янги шартнома имзолагани хабар қилинганди.
Жамшидбек Амиров
