“Баркамол авлод-2021”: бугун республика финал босқичининг илк мусобақаси старт олади
Иштирокчилар 3 кун давомида турли вазнларда ғолиб ва совриндорлик учун кураш олиб боришади.
12 та спорт турлари бўйича “Баркамол авлод-2021” спорт мусобақаларининг ҳудудий босқичлари ўтказилди ва республика босқичига йўл олганлар номи аниқ бўлди. Бу ҳақда Туризм ва спорт вазирлиги ахборот хизмати раҳбари Лола Раҳмонбоева Zamon.uz'га хабар қилди.
Маълум қилинишича, 1-2 декабрь кунлари юртимизнинг 14 та ҳудудидан ҳудудий босқичларда ўзини кўрсатиб, республика босқичига йўл олган спортчилар Қорақалпоғистон пойтахти Нукус шаҳрида жам бўлишди. Бугун, 3 декабрь куни республика финал босқичи старт олди. Мусобақада академик лицей ва профессионал таълим муассасаларининг ўқувчи-ёшлари дзюдо бўйича беллашади.
Маълумот учун: “Баркамол авлод-2021” дастуридан ўрин олган кейинги спорт тури енгил атлетика бўйича республика финал босқичи 10-14 декабрь кунлари Жиззах вилоятида бўлиб ўтиши белгиланган.
Эслатиб ўтамиз, ОТМ талабалари “Туризм ва спорт вазири кубоги” учун беллашганди.
Аввалроқ I МДҲ ўйинларида белбоғли курашчиларимиз 11 та медаль билан умумжамоа ҳисобида биринчи бўлишгани ҳамда халқаро шахмат турнири якуний босқичга етгани ҳақида хабар берилганди.
