Менни Пакьяо кибeрспорт билан шуғулланмоқчи
Афсонавий филиппинлик боксчи, саккиз вазн тоифаси чемпиони Менни Пакьяо ўзининг кибeрспорт клубига асос солди.
Хабарларга кўра, клуб унча мураккаб бўлмаган “Team Pacquiao GG” номини олди. Менни ҳозирча жамоа мусобақаларда қайси йўналишларда иштирок этишини эълон қилмаган. Ташкилотнинг тўлиқ тақдимоти 5 декабрь куни ўтказилиши режалаштирилмоқда.
Эслатиб ўтамиз, бугунги кунда спортчилар орасида кибeрспорт клубларини ташкил этиш тобора оммалашиб бормоқда. Ҳозирда дунёнинг энг кўзга кўринган футболчилари Каземиро, Девид Бекхем ва Серхио Агуэро ўзларининг кибeрспорт жамоаларини ташкил этган.
Аввалроқ Менни Пакьяо Ёрденис Угасга мағлуб бўлгани ва филиппинлик боксчи фаолиятини якунлагани ҳақида хабар берилганди.
Жамшидбек Амиров
