Россияда ишлашни хоҳловчилар диққатига!

 

Москва, Санкт-Петербург шаҳарлари, Амур, Новосибирск, Калуга, Тула, Мурманск, Калининград, Москва вилоятлари ҳамда Краснодар ўлкасида Ўзбекистон Республикаси фуқаролари учун россия Федерациясининг бир қатор салоҳиятли иш берувчилари томонидан қурулиш соҳасида бўш иш ўринлари таклиф қилинмоқда. Бу ҳақида Ташқи меҳнат миграцияси агентлиги хабар берди.

 

Хабарда айтилишича, мамлакатимиз фуқаролари учун қурилиш соҳасининг 60 дан ортиқ йўналишлари бўйича 10 мингта ўрин ажратилган.

 

Эслатма. Фуқаролар номига Россия Федерациясида ишлаш ҳуқуқини берувчи патент Ўзбекистонда расмийлаштирилади.

 

“Номзодлар учун хорижга чиқиш паспортини тезлаштирилган тартибда тайёрлаб бериш таъминланади”, — ТММ агентлиги хабарида.

 

Талабгорлар мазкур ҳавола орқали рўйхатдан ўтиши мумкин.  Бўш иш ўринлари бўйича танлов ўтказиладиган сана ва ҳудудлар қуйидагилар:

 

10 декабрь соат 11:00 да:

 

- Андижон вилоятида;

Манзил: Андижон Ш., Бобур Ш. кўч., 4-уй. "Ишга марҳамат" мономаркази (Мўлжал: Собиқ афғон боғи рўпараси, Транспорт коллежи).

☎️ 95 202-33-55;

 

- Қорақалпоғистон Республикасида;

Манзил: Нукус Ш., Утепова кўч., Р/у. "Ишга марҳамат" мономаркази (Мўлжал: "Истиқлол  боғи" - Квадрат парк).

☎️ 55 102-53-32, 55 102-53-34.

 

-  Қашқадарё вилоятида;

Манзил: Қарши Ш., А.Навоий кўч., 70а-уй. "Ишга марҳамат" мономаркази (Мўлжал: Ойдин бозори рўпараси).

☎️ 55 401-61-69, 97 293-27-52, 97 770-04-92.

 

11 декабрь соат 11:00 да:

 

- Наманган вилоятида;

Манзил: Наманган Ш., Нодира кўч., 3-уй. Вилоят меҳнат бошқармаси биноси.

☎️ 69 227-94-64, 69 227-97-27.

 

Аввалроқ Ўзбекистонлик қурувчиларни Россияда “космик истиқболлар” кутаётгани, 141 нафар ўзбекистонлик Россиядаги космодром яқинида ишлаш учун жўнаб кетгани ҳамда Россия ва Ўзбекистон ўртасида имзоланган меморандум муҳожирликдаги болалар ҳуқуқларини ҳимоя қилиши ҳақида хабар берилганди.

 

Оламгир Абдиев