Гус Тил Рафаэл Бенитеснинг эътиборига тушди
Голландиялик ярим ҳимоячи Гус Тил фаолиятини Англия премьер-лигасида давом эттириши мумкин.
“Team Talk” нашрининг хабарига кўра, “Эвертон” 23 ёшли голландиялик футболчининг хизматларига қизиқиш билдирмоқда. Футболчининг салоҳиятини клуб бош мураббийи Рафаэл Бенитес қўллаб-қувватламоқда.
Эслатиб ўтамиз, Тил Москванинг “Спартак” жамоаси футболчиси ҳисобланади. Ярим ҳимоячи ҳозирда “Фееноорд” клубида ижара асосида ўйнаб келмоқда. У 2019 йилнинг ёзида “АЗ Алкмаар”дан 16 миллион евро эвазига Москва клубига ўтган эди. Жорий мавсумда ярим ҳимоячи Роттердам жамоаси сафида миллий чемпионат ва Конференция лигасида 27 та ўйин ўтказиб, 15 та голга муаллифлик қилди ҳамда 3 та голли узатмани амалга оширди.
Аввалроқ, “Нюкасл” клуби Эден Азарни қўлга киритмоқчилиги ва UEFА Англияни жазоламоқчи эканлиги ҳақида хабар берилганди.
Жамшидбек Амиров
