Трамп Хитойни коронавирус пайдо бўлишига сабабчи эканини айтиб, 60 триллион доллар товон тўлашни талаб қилмоқда
Трамп Си Сзинпинни "қотил" деб атади.
"Хитой коронавирусни пайдо қилгани учун бутун дунёга 60 триллион доллар товон тўлаши керак бўлади. Мен биламан, Хитойнинг бу компенсацияларни тўлаш учун етарли маблағи йўқ. Лекин бутун дунё 60 триллион долларга яқин зарар кўрди. Шу сабаб товон тўлаши керак деб ҳисоблайман" — деди АҚШнинг собиқ президенти.
Собиқ президентнинг сўзларига кўра, Хитой дунёга даҳшатли офат келтирган. Шу билан бирга, сиёсатчи ўз сўзларини тасдиқловчи ҳеч қандай далил келтирмаган.
"Улар бу касалликни олдини олиш учун энди нимадир қилиши керак. Келтирган бу офатнинг охири йўқдек", — деди Трамп.
Трамп Си Сзинпинни «қотил» деб атаган журналистнинг сўзларини қўллаб-қувватлади.
“У қотил, лекин пандемия бошланишидан олдин Хитой Халқ Республикаси раҳбари Си Сзинпин билан жуда яхши муносабатда бўлганман" — деди собиқ президент.
Аввалроқ Хитой ташқи ишлар вазири Ван И АҚШга коронавирус келиб чиқиши ҳақидаги ҳисобот юзасидан норозилик билдиргани ҳақида хабар берилганди.
Munojat Valiyeva
