“Вулверхемптон” ярим ҳимоячиси Рангникнинг эътиборига тушди

 

Манчестерликлар бош мураббийи Ралф Рангник португалиялик футболчини жамоа таркибига қўшиб олмоқчи. Бироқ футболчига “Челси” клуби ҳам қизиқиш билдирмоқда. Ҳозирда Невеш учун икки инглиз жамоаси ўртасида рақобат мавжуд.

 

Эслатиб ўтамиз, 24 ёшли Рубен 2017 йилдан буён “Вулверхемптон” клубида ўйнаб келмоқда. У “Бўрилар” сафига “Порту”дан 17,9 миллион евро эвазига кўчиб ўтган эди. Жорий мавсумда ярим ҳимоячи АПЛнинг 17 та ўйинида 1 та гол ва шунча голли узатмани амалга оширди. Португалиялик футболчининг жамоа билан шартномаси 2024 йилда ўз якунига етади. Трансфермаркт портали Невешни 42 миллион еврога баҳоламоқда.

 

Аввалроқ, “ПСЖ” “Манчестер Юнайтед” ярим ҳомиячиси Пол Погба билан музокараларни бошлагани ва Элдор Шомуродов осиёлик энг қимматбаҳо футболчилар ўнлигидан жой олгани ҳақида хабар берилганди.

 

Жамшидбек Амиров