Леонардо Бонуччи: “Биз доим олдинга интилишимиз керак”
“Ювентус” ва Италия терма жамоаси ҳимоячиси Леонардо Бонуччи мавсумнинг иккинчи ярмидаги мақсадлари ҳақида гапирди.
“Ювентус” Чемпионлар лигасининг чорак финалида яхши натижага эришишга ҳаракат қилади. Биз доим олдинга интилишимиз керак. Италия терма жамоасига келсак, 2021 йилни ажойиб ўтказгандан сўнг, биз жаҳон чемпионатига йўлланмани қўлга киритишимиз керак”.
Эслатиб ўтамиз, Чемпионлар лигасининг 1/8 финалида “Ювентус” “Вилярреал” билан ўйнайди. Учрашув кейинги йилнинг 22 февраль ва 16 март кунлари бўлиб ўтади. Италия терма жамоаси 2022 йилда Қатарда бўлиб ўтадиган жаҳон чемпионати учун плей-офф ўйинларининг ярим финалида Македония терма жамоасига қарши баҳс олиб боради. Учрашув
2022 йилнинг 24 март куни бўлиб ўтади. Ўйин ғолиби Туркия - Португалия жуфтлиги ғолиби билан тўқнаш келади.
Аввалроқ, “Фиорентина” ҳужумчисига бир нечта топ клублар қизиқиш билдиргани ва “Барселона”нинг бошқа клублардан қанча қарзи борлиги маълум бўлгани ҳақида хабар берилганди.
Жамшидбек Амиров
