Менимча, Левандовски бу совринга лойиқ эди - Лукас Эрнандес
“Бавария” ҳимоячиси Лукас Эрнандес “Олтин тўп”ни Лионел Месси эмас, Роберт Левандовски олиши керак эди, деган фикрда.
“Менимча, Левандовски бу совринга лойиқ эди. У ажойиб мавсум ўтказди ва янги тарих яратди. Месси Аргентина терма жамоаси билан муваффақиятга эришди, лекин у Левандовски каби мавсум давомида барқарор ўйин кўрсата олгани йўқ”.
Маълумот ўрнида: 2020/2021 йилги мавсумда 33 ёшли Левандовски Бундеслигада 41 та гол уриб, Герд Мюллернинг рекордини янгилади, 2021 йил тақвимида эса барча мусобақаларда 69 та голга муалифлик қилди.
Эслатиб ўтамиз, “Олтин тўп”га овоз бериш натижаларида Левандовски Мессидан кейин иккинчи ўринни қўлга киритди. Челси футболчиси Жоржинё эса учинчи ўриндан жой олди.
Аввалроқ, Месси “Олтин тўп”ни қўлга киритгани ва “Бавария” Левандовски ўрнига Ҳоландни сотиб олмоқчил эканлиги ҳақида хабар берилганди.
Жамшидбек Амиров
