Влаҳович учун курашга инглизлар ҳам қўшилди
“Фиорентина” ҳужумчиси Душан Влаҳовичнинг келажаги номаълумлигича қолмоқда.
“The Athletic” нашри хабарига кўра, “Арсенал” 21 ёшли ҳужумчининг трансфери устида ишламоқда, бироқ “Фиорентина” футболчини Лондон клубига ўтишни истамаётганини маълум қилган.
Агар серб футболчиси қишда “Фиорентина”ни тарк этса, унинг учун курашда “Арсенал” фаворит бўлади. “Канонирлар” “Фиорентина”га керакли тўловни тўлашга, шунингдек, Влаҳовичнинг маош талабларини қондиришга тайёр. Влаҳовичнинг ўзи эса “Ювентус” клубига ўтишни хоҳламоқда.
Сербиялик ҳужумчи жорий мавсум “Фиорентина” сафида барча турнирлар доирасида 22 та ўйинда майдонга тушиб, 18 та гол урди ва 2 та голли узатмани амалга оширди.
Аввалроқ, “Фиорентина” ҳужумчисига бир нечта клуб қизиқиш билдираётгани ва “ПСЖ” “Фиорентина”дан Мбаппега ўринбосар топгани ҳақида хабар берилганди.
Жамшидбек Амиров
