Оливенинг клубдаги ишлари беш
Жиру собиқ “Арсенал” устози Венгер ва “Милан”нинг ҳозирги устози Пиолини солиштирди.
“Милан”нинг франциялик ҳужумчиси, 35 ёшли Оливе Жиру “Арсенал”даги Арсен Венгер қўл остидаги фаолиятини Стефано Пиоли билан Италия клубидаги ишига қиёслади.
“Венгер жуда тажрибали ва жуда хотиржам мураббий эди. У камдан-кам ҳолларда ғазабланарди ёки овозини кўтарарди. Бошқа томондан, Пиоли шунчалик иштиёқ бағишлайдики, унинг феъл-атвори менга жуда ёқади. У бизни рағбатлантириш учун бақиришни яхши кўради”, — дея Жирунинг сўзларидан “Football Italia” нашри иқтибос келтирди.
Эслатиб ўтамиз, Жиру 2021 йилнинг ёзидан буён “Милан”да тўп суради. У ерга “Челси”дан кўчиб ўтганди. Футболчининг итальян клуби билан шартномаси 2023 йилгача мўлжалланган. Оливе жорий мавсумда россонерилар сафида барча турнирларда 20 та ўйинда майдонга тушиб, 6 та гол урди ва 2 та голли узатмани амалга оширди.
Аввалроқ, Анчелотти Давид Луизни “Реал”га таклиф қилгани ҳақида хабар берилганди.
