Финлар Олимпиядада биринчи олтин медални қўлга киритди

 

Ҳозирга келиб, куннинг 5 дастурида ғолиб ва совриндорлар аниқланди. Дастлаб сноуборд баҳсларида япониялик Аюму Хирано ғалаба қозонган бўлса, тоғ чанғиси бўйича аёллар ўртасидаги супер гигант йўналишида швейцариялик Лара Гут-Беҳрами энг яхши натижани қайд этди. Эътиборлиси, шу пайтгача Аюмуда Олимпиаданинг 2 та кумуш, Ларада эса 2 та бронза медаллари бор эди. Бугун улар учинчи бор иштирок этаётган Олимпия ўйинларида чемпионликни қўлга киритишди. 

 

Шунингдек, бир оз аввал якунига етган чанғи пойгаси бўйича 15 кмли пойгада финлар Пекиндаги дастлабки олтин медалига эга бўлдилар. Ииво Нисканен муросасиз пойгада ўзининг Олимиадалардаги учинчи олтин медалини расмийлаштирди. Шу ва бошқа йўналишлардаги натижалар:

 

Сноуборд. Эркаклар, хафпайп

1. Аюму Хирано (Япония)

2. Скотти Жеймс (Австралия)

3. Ян Ширер (Швейцария)

 

Тоғ чанғиси. Аёллар, супер-гигант

1. Лара Гут-Беҳрами (Швейцария)

2. Мирям Пухнер (Австрия)

3. Мишел Гизин (Швейцария)

 

Чанғи пойгаси. Эркаклар, классик юриш (15 км)

1. Ииво Нисканен (Финляндия)

2. Александр Болшунов (РОҚ)

3. Ёханнес Клебо (Норвегия)

 

Биатлон. Аёллар, спринт.

1. Марте Роиселанд (Норвегия)

2. Элвира Оберг (Швеция)

3. Доротея Вирер (Италия)

 

Кoнькида югуриш. Эркаклар, 10 000 метр:

1. Нилс ван дер Поел (Швеция)

2. Патрик Роест (Нидерландия)

3. Давиде Жиотто (Италия).

 

Аввалроқ, еттинчи кунда еттита медаллар жамланмаси ўйналиши ва ёзги Олимпия ўйинларига ўзгартириш киритилгани ҳақида хабар берилганди.

 

Жамшидбек Амиров