“Челси” ва “Барселона” келаси ёзда Де Лигт учун курашмоқчи
“Ювентус” ҳимоячиси Маттейс де Лигт ёзги трансфер ойнасида клубини ўзгартирмоқчи.
22 ёшли голландиялик футболчига Лондоннинг “Челси” ва Каталониянинг “Барселона” клублари даъвогарлик қилмоқда. Бу ҳақда “Calciomercato” нашри хабар берди.
Манбага кўра, агар “Ювентус” Де Лигтнинг агенти билан шартномани узайтиришга рози бўлмаса, уни сотиш имкониятини кўриб чиқади. Маттейс ва "кекса синёра" ўртасидаги амалдаги келишув 2024 йилгача мўлжалланган.
“Барселона” Де Лигт учун 75 миллион евро таклиф қилмоқчи. “Аристократлар” бош мураббийи Томас Тухел ўз жамоасининг ҳимоясини кучайтиришга интилаётгани сабабли, “Челси” бу сўммани тўлашга ҳаракат қилади.
Эслатиб ўтамиз, Де Лигт “Ювентус”га 2019 йилнинг ёзида “Аякс”дан 85,5 миллион евро эвазига ўтган эди. Жорий мавсумда голландиялик ҳимоячи Италия чемпионатининг 20 та ўйинида битта гол урди. Трансфермаркт Де Лигтнинг нархини 65 миллион еврога баҳолаган.
Аввалроқ, “Тоттенҳем” клубида коронавирус тарқалгани ва “Ювентус” Сакани нишонга олгани ҳақида хабар берилганди.
Жамшидбек Амиров
