Пеле яна касалхонага ётқизилди
У бу ҳақда Instagram саҳифасида маълум қилди.
Бразилиялик футбол афсонаси Пеле ичакларидаги шиш туфайли даволанишни давом эттириш учун касалхонага ётқизилганини маълум қилди.
“Дўстлар, мен ҳар ойда бўлгани каби, ҳозирда даволанишни давом эттириш учун касалхонага кетяпман. Мени қўллаб-қувватлаган барчага миннатдорчилик билдириб қоламан. Ҳаммангизга раҳмат”, — деб ёзди Пеле Instagram’даги саҳифасида.
Аввалроқ, Пеле йўғон ичакдаги ўсмани олиб ташлаш учун операция қилинган эди. Сўнгги йилларда Пеле бир қатор соғлиғидаги муаммолар билан курашиб келмоқда. Жумладан, сонни алмаштириш операцияси билан боғлиқ асоратлар, шунингдек, буйрак ва простата билан боғлиқ касалликларни мисол қилиб келтириш мумкин.
Пеленинг ҳозирда омма олдига чиқиш имконияти кам. Бироқ у ижтимоий тармоқларда фаоллигини кўрсатиб келмоқда.
Аввалроқ, футбол қироли яна жонлантириш хонасига ётқизилгани ва Неймарнинг уч ойлик танаффуси якунига етаётгани ҳақида хабар берилганди.
Жамшидбек Амиров
