Роналду АҚШга кетиши мумкин
Футболчининг 13 йил ичидаги энг узун голсиз серияси давом этмоқда.
Криштиану Роналду "Манчестер Юнайтед"да натижа кўрсатишни тўхтатди.
Ёрқин ва сермаҳсул фаолиятидан сўнг португалиялик ҳужумчи сўнгги 13 йилдаги энг узун голсиз сериясини бошдан кечирмоқда ва унинг асосий таркибда тушиш эҳтимоли тобора камайиб бормоқда.
Агар “қизил иблислар” мавсум якунида Чемпионлар лигасига йўлланмани қўлга кирита олмаса, юлдуз ҳужумчининг миллион долларлик шартномасини қўллаб-қувватлай олмайди.
Шу тариқа, Роналду ёзда жамоа сафини тарк этиши мумкин. Кўплаб клублар эса футболчининг трансфери бўйича агентлари билан боғлана бошлашди.
Қўшма Штатлар аллақачон ҳужумчига қизиқиш билдирган. Тодофичажес хабарига кўра, "Интер Маями" ва "Лос-Анжелес Гелакси" 37 ёшли футболчини қўлга киритишга умид қилмоқда.Аввалроқ Роналдунинг ўзи ҳам Америкага кетиш нияти йўқ эмаслиги ҳақида билдирган эди.
Эслатиб ўтамиз, аввалроқ Франсиянинг “ПСЖ” клуби португалиялик ҳимоячи Нуно Мендешни Португалиянинг “Спортинг” клубидан ўз сафига қўшиб олмоқчи экани хабар қилинганди.
