Америка фирмаси “Аталанта”ни сотиб олмоқчи
Ҳозирда клуб билан музокара олиб борилмоқда.
Американинг “KKR” инвестиция фирмаси “Aталанта” клубини сотиб олиш бўйича дастлабки музокаралар олиб бормоқда. Бу ҳақда “Footbaal Italia” нашри хабар бермоқда.
Манбага кўра, “KKR” келаси ҳафтага қадар клубга эгаликни қўлга киритиши мумкин. Америка инвестиция фирмаси клубнинг 85% улушини 350 миллион еврога сотиб олмоқчи.
1976 йилда ташкил этилган “KKR” – активларни муқобил бошқариш, капитал бозорлар ва суғурта ечимларини таклиф қилувчи етакчи глобал инвестиция фирмаси ҳисоболанади.
Сўнгги бир неча мавсумда “Аталанта” клуби Италия ва Европада ажойиб натижаларга эришди. 2020 йилда Чемпионлар лигасининг чорак финалига чиқди. Жамоа кетма-кет уч марта Евро турнирларда қатнашиш ҳуқуқини қўлга киритди. Жорий мавсумда жамоа кучли тўртликдан жой олиш учун курашмоқда.
Аввалроқ, “Аталанта” Миранчукнинг ўрнига футболчи топгани ва Иммобиле вирусга чалингани ҳақида хабар берилганди.
Жамшидбек Амиров
