“У фаолиятимдаги энг буюк мураббийлардан бири”
Бразилиялик Роналдо Карло Анчелотти билан учрашди.
Реалнинг собиқ ҳужумчиси Роналдo ўзининг Instagram саҳифасида “Қироллик клуби” бош мураббийи Карло Анчелотти билан тушган суратини жойлаштирди.
“Карло Анчелотти фаолиятимдаги энг буюк мураббийлардан бири. Сизни кўрганимдан хурсандман, жаноб”, - деб ёзган Роналдо изоҳга.
Эслатиб ўтамиз, бразилиялик футболчи “Милан” сафида Карло Анчелотти мураббийлиги даврида тўп сурган. Роналдо 2007 йилдан 2008 йилга қадар Италия клубида ўйнаган ва 20 та ўйинда 9 та гол урган.
Маълумот ўрнида: Роналдо 2011 йилда фаолиятини якунлади. У “Милан”дан ташқари “Крузейро”, “ПСВ”, “Барселона”, “Интер”, “Реал” ва “Коринтианс" клубларида ўйнаган. Бразилия терма жамоаси сафида икки бор жаҳон чемпионлигини қўлга киритган.
Аввалроқ, Анчелотти Давид Луизни “Реал”га таклиф қилгани ва Бекободда “Реал Мадрид” футбол академияси очилгани ҳақида хабар берилганди.
Жамшидбек Амиров
