Жаноб Путин жиддий хатога йўл қўйди — Стивинг Кинг
Америкалик ёзувчи Стивен Кинг ўзининг Twitterʼдаги саҳифасида Россия ва Украина инқирозига муносабат билдирди.
У ДХР ва ЛХР Халқ Республикалари мустақиллигини тан олган Путиннинг хатти-ҳаракатларига баҳо берган.
Ёзувчининг фикрига кўра, "Путин Украина масаласида ўйламай иш тутди.У эндиликда Трамп ишламаётганини унутиб қўйди”, — деб ёзди Стивен Кинг.
Унинг обуначилари адибнинг фикрига турлича муносабат билдиришган. Обуначилардан бири Россия Қримни Трамп президент бўлгунига қадар ўз ҳудудига қўшиб олганини таъкидлаган бўлса, яна бири ЛХР ва ДХР Трамп президентлик лавозимидан кетганидан кейин тан олинганини ёзиб қолдирган.
Интернет фойдаланувчиларининг бир қисми эса Стивен Кингга “уруш мухлиси бўлмаслик”ни маслаҳат беришган.
Маълумот учун: Стивен Кинг хоррор жанрида ижод қилувчи дунёдаги энг машҳур ёзувчилардан бири ҳисобланади. Уни адабиёт ва кино мухлислари “Даҳшатлар қироли” деб аташади.
Эслатиб ўтамиз, аввалроқ Путин махсус ҳарбий операция ўтказишга қарор қилганини маълум қилганди.
