Кристенсен "Барса"га ўтади
"Челси" ҳимоячиси Андреас Кристенсен "Барселона" клуби билан келишувга эришди.
Инсайдер Жерар Моренонинг хабар қилишича, даниялик футболчи ёзги трансфер ойнасида эркин агент сифатида Каталония клубига ўтади.
Томонлар шартнома масаласида 99 фоизга келишувга эришиган. Кристенсен шартномаси якунига етгач, июлда Испанияга кўчиб ўтади. Футболчи ва Каталония клуби ўртасида 4 йиллик шартнома имзоланади.
Маълумот учун: Кристенсен жорий мавсум АПЛда 14 ўйинда майдонга тушган. 25 ёшли футболчи 2017 йилдан буён лондонликлар шарафини ҳимоя қилиб келмоқда. Шунингдек, даниялик футболчи шартномасини узайтириш масаласида Лондон клуби раҳбарияти билан келишувга эриша олмагани ҳақида маълум қилинганди.
Эслатиб ўтамиз, аввалроқ, "Адидас" бренди Россия терма жамоаси билан шартномани бекор қилгани ҳақида хабар берилганди.
