Таэквондочи қизлар Осиё чемпионатини учта медаль билан бошлади
Эрон пойтахти Теҳрон шаҳрида клублар ўртасидаги Осиё чемпионати бошланди.
Эрон пойтахти Теҳрон шаҳрида клублар ўртасидаги Осиё чемпионатининг дастлабки кунда қизлар ўртасида ғолиб ва совриндорлар аниқлаб олинди. Унда, Ўзбекистон терма жамоаси аъзолари учта медаль қўлга киритишди.
Кескин ва муросасиз кечган баҳслар якуни бўйича Феруза Содиқова олтин, Чарос Қаюмова ҳамда Светлана Осипова бронза медалига эга чиқишди.
Бугун, 5 март куни эркаклар ўртасида баҳслар ўтказилади.
Эслатиб ўтамиз, аввалроқ Гандболчи қизлар тарихий ғалабага эришгани ҳақида хабар берилганди.
