Винициус Переснинг режаларига киритилган
“Реал” клуби Винициус Жуниор учун янги шартнома тайёрламоқда.
Мадриднинг “Реал” клуби ҳужумчи Винициус Жуниор учун янги шартнома бўйича таклиф тайёрламоқда. Бу ҳақда журналист Фабрицио Романо ўзининг Twitter саҳифасида маълум қилди.
Манбага кўра, музокараларнинг якуний қисми мавсум якунида бўлиб ўтади. Катта эҳтимол билан янги шартнома имзоланади. “Қаймоқранглилар” президенти Флорентино Переснинг узоқ муддатли режаларига Килиан Мбаппе билан шартнома ҳам киритилган.
Эслатиб ўтамиз, Винициус Фламенго клубидан “Реал”га 35 миллион евро эвазига ўтганди. Футболчининг клуб билан шартномаси 2024 йилнинг июнигача амал қилади. Трансфермаркт портали маълумотларига кўра, футболчининг нархи 100 млн еврони ташкил этади. Испания чемпионатининг жорий мавсумида Винициус “Реал” сафида 25 та ўйин ўтказиб, 13 та гол урди ва 6 та голли узатмани амалга оширди.
Аввалроқ Гаред Бейл яна Англияга қайтиши ҳақида хабар берилганди.
